Familjarët e Martina Pajollarit kanë implikuar në krimin e rëndë ku u vra Martin Çeço, motrën dhe ish-kunatin e 18-vjeçares, Sibora Pajollarin dhe Xhoni Potkën.
Sipas vëllait dhe nënës së Martinës, ish-çifti, Bora dhe Xhoni Potka kishin password-et e adresave të Facebook të 18-vjeçares dhe lexonin të gjitha mesazhet e saj.
Sipas policisë, Martina Pajollari kishte krijuar njohje në rrjetet sociale me viktimën Martin Çeço dhe nga ana tjetër një lidhje jashtëmartesore me Valter Mollaj, gjë që sipas bluve u bë shkak për vrasjen e 26-vjeçarit.
Nga ana tjetër sipas babai të viktimës, Bora dhe Xhoni Potka kanë diskutuar për t’i bërë nuse Tina Pajollarin djalit të tij, madje ish-kunati i 18-vjeçares i ka marrë 2.5 milionë lekë për këtë mblesëri.
Të gjithë këto deklarata bëjnë edhe më të mistershme situatën, duke ngritur dyshimet se kush ka komunikuar e Martin Çeçon në rrjetet sociale dhe kush ia dha kontaktet e Tina Pajollarit.
Intervista për emisionin “Uniko”:
Martina Pajollari ka thënë që ka pasur një lidhje 5 vjeçare me Valter Mollajn
Miranda Pajollari: Ça lidhje dashurie, ka pasur lidhje që hyrje dalje tek njëri-tjetri. Nuk është e vërtetë, kemi ngrënë e pirë në atë shtëpi, kemi shkuar jashtë mase. Në gjëra të tilla jo
Vajza juaj a ka folur me Martin Çeçon?
Miranda Pajollari: Ç’ne ore? Ku ka folur, i ka bërë bllok
Artion Ferraj: I ka shkuar Xhoni Potka me adresën e saj, kështu ka thënë Tina. I kishin kodin ata
Vëllai i Martina Pajollarit: Adresat në FB ia ka hapur Xhoni, fliste në emër të saj. Tina thotë kështu që “Martini e dinte se ishte Tina, por i shkruante Xhoni”.
Kur i ka shkruar? Në telefon ka folur Tina me Martinin?
Vëllai: Jo mesa di unë
Ku ka qenë Tina atë natë?
Vëllai: Se mbaj mend
Miranda Pajollari: Po poshtë ishit mami, për atë ditë të thotë gazetari
Vëllai: E mbaj mend nuk jemi kthyer, asnjëherë s’kemi vajtur tek Bledi Angjo, vetëm andej nga lopët
Po atë natë ku e keni takuar?
Vëllai: E kemi takuar andej lart, kur ishte me dhentë ai. Ndejtëm pak edhe ikëm, i thamë “çfarë bën”, ndejtëm pak e ikëm
E shqetësoi njeri Tinën në telefon?
Vëllai: Jo
Po një ditë më përpara ka folur me njeri?
Vëllai: Jo, se kam dëgjuar të flasë në telefon
Miranda Pajollari: Ai i shkruante, kjo i bënte bllok.
Xhoni Potka ka thënë se nuk di të përdor Facebook-un tim
Miranda Pajollari: Ai nuk di eee, e hapi bashkë me çupën e madhe. Ajo ia hapte më shumë, Sibora.
Kush ia ka përdorur FB-në Tinës?
Vëllai: Të dy Xhoni dhe Bora, kush isha njëherë unë Goskovë ia lexonin të gjitha mesazhet. Ia hapnin FB-në, se ia dinin password. Bora ia dinte password
Bora fliste sikur ishte Tina?
Vëllai: Nuk e di, për atë nuk më tregonin
I kanë bërë propozim motra dhe Xhoni, Tinës se kemi një burrë për ty?
Vëllai: I kanë thënë nja 2 herë, i ka thënë edhe Bora
Bora ku është sot?
Miranda Pajollari: Është me burrin e dytë që ka marrë
Pse e la Xhoni Potkën, 1 muaj e gjysmë pas vrasjes së Martin Çeços
Miranda Pajollari: Nuk e di pse u ndanë, fëmijët nuk ia la ky. “Kur iku s’më tha gjë hiç, fëmijët nuk ia jap”, më tha ai.
Natën e vrasjes ku ishte Tina?
Miranda Pajollari: Në shtëpi
Në çfarë ore keni ardhur në shtëpi?
Vëllai: Nga ora 19:30, kemi qenë në shtëpi
Ajo ka deklaruar se ka qenë në Kolanec atë natë
Miranda Pajollari: I thoshin do të hedh në rezervuar por trego të vërtetën, i thoshte policia
Ka qenë në shtëpi atë natë, s’ka dalë. Ishin në mal për lule dhe u kthyem në shtëpi. Se ka marrë njeri në telefon. Kot na kanë rënë në faj, as të arrestuarit nuk kanë faj. S’kanë vlerë ato që tha Tina
Po të njëjtën deklaratë ka bërë edhe Bleti Angjo
Miranda Pajollari: Ç’punë kemi ne me të, ai është budalla. As nuk di të shkruajë e të lexojë. E di dëshminë, nuk është e saktë. E ka thënë edhe ai.
