Një 20-vjeçar i identifikuar si D.S, është arrestuar nga policia e Elbasanit pasi pas një sherri ka dhunuar makinën e një qytetari.
20-vjeçari gjatë një konflikti për motive të dobëta ka goditur me sende të forta automjetin e shtetasit A. Y., banues në Elbasan.
“Po nga specialistët për Hetimin e Krimeve të Komisariatit të Policisë Elbasan u arrestua në flagrancë shtetasi D. S., 20 vjeç, banues në Elbasan, pasi gjatë një konflikti për motive të dobëta ka goditur me sende të forta automjetin e shtetasit A. Y., banues në Elbasan’, njofton policia.
Gjatë kontrollit në automjetin e shtetasit D. S., shërbimet e Policisë gjetën një radio si ato të Policisë edhe dy shkopinj druri, të cilët u sekuestruan në cilësinë e provës materiale.
