Eksperti i ekonomisë Pano Soko ka folur për aksionin e tatimeve në terren dhe formularin qe është duke ‘hetuar’ qytetarëve.
I ftuar në edicionin e padites në Syri TV, Eksperti e ka quajtur formularin të paligjshëm pasi të dhënat që kërkohen janë private dhe sensitive që mbrohen me ligj.
Sipas Soko, drejtoria e tatimeve ka dalë me një formular dhe ua dërgon pa të keq të gjithë punëmarrësve, duke shkelur në mënyrë flagrante ligjin, ku problemi i paligjshmërisë qëndron që te pyetja e parë, që thotë të ardhurat tuaja dhe sa është paga juaj, ka dy hapësira dhe thotë para në bankë/ para në dorë.
Soko ka theksuar se në Republikën e Shqipërisë pagat me ligj janë të detyruara të jepen në bankë. Një provokim por në thelb duket se është një provokim që do të shkojë për shkak të luftës anti-informalitet që ka shpall kryeministri.
Soko: Formulari i shpërndarë nga tatimet është totalisht e paligjshme. Për t’ja marrë këto deklarimet një drejtori të madh në administratë, jo të gjithëve, është e ligjshme. Për t’ja marrë të njëjtin deklarim gjykatësve prokurorëve ne bëmë reformën në drejtësi, pra miratuam ligjin me shumicë të cilësuar. Pra këto janë të dhëna sensitive dhe nuk mund të jepen dhe janë në mbrojtje me ligj.
Papritur drejtoria e tatimeve del me një formular dhe ua dërgon pa të keq të gjithë punëmarrësve, duke shkelur në mënyrë flagrante ligjin. Ti kërkosh të dhënat personale në emër të një institucioni shtetëror.
Problemi i paligjshmërisë qëndron që te pyetja e parë, që thotë të ardhurat tuaja dhe sa është paga juaj, ka dy hapësira dhe thotë para në bankë/ para në dorë. Në Republikën e Shqipërisë pagat me ligj janë të detyruara të jepen në bankë. Një provokim por në thelb duket se është një provokim që do të shkojë për shkak të luftës anti-informalitet që ka shpall kryeministri. Nga pikëpamja ligjore nuk vlen pasi as në gjyq dëshmia e njërit kundrejt tjetrit nuk vlen. Deklarimi i njëanshëm i paprovuar nuk vlen edhe nëse formulari është i ligjshëm. E servirur në këtë formë ëshë e paligjshme.
