Policia e Durrësit ka njoftuar se ka gjetur një grua të moshës 40 vjeçe në rrugë.
Blutë bëjnë me dije se ajo nuk mban mend as emrin as adresën, ndaj u bën apel familjarëve apo të njohurve që të paraqiten në ambientet e Komisariatit të Policisë Durrës.
“Në ambientet e Komisariatit të Policisë Durrës, ndodhet një shtetase që nuk mban mend emrin dhe adresën e banimit, e cila është gjetur në rrugë, gjatë patrullimit nga shërbimet e Patrullës së Përgjithshme.
Kjo shtetase është e moshës rreth 40 vjeçe, e gjatë rreth 1.60 cm dhe mban të veshura xhup të zi dhe xhinse.
Familjarët ose të njohurit e kësaj shtetaseje mund të paraqiten në ambientet e Komisariatit të Policisë Durrës ose të telefonojnë në numrin 112”, thuhet në njoftimin e policisë.
