Gjykata e Tiranës ka caktuar masën e arrestit me burg për 31-vjeçarin indian, i cili u arrestua dje, për trafikim të lëndëve narkotike.
Mitin Mirsha u arrestua në Rinas, pasi SHBA-të kishin lëshuar ndaj tij dy urdhër arreste ndërkombëtare nga dy gjykata të ndryshme.
Arrestimi i indianit ka qenë koordinimi i RSO/DSS, Policisë së Shtetit dhe DEA-s, me qëllim ekstradimin drejt SHBA-së, për veprën penale të trafikimit të lëndëve narkotike, e kryer në formën e grupit kriminal.
Policia e Shtetit, në bashkëpunim me Ministrinë e Drejtësisë dhe Prokurorinë e Përgjithshme, është duke punuar për ekstradimin e këtij shtetasi drejt SHBA-së.
