Kukësi i femrave është rikthyer me një skuadër konkurruese në Kategorinë Superiore këtë sezon por që në ndeshjen e parë sezonale skuadra verilindore është përballlur me një situatë të pazakontë.
Siç bën të ditur klubi blu, kundërshtaret e Laçit nuk kanë pasur fanella konform rregullores dhe në këtë mënyrë, Kukësi i femrave e nis sezonin me një 3-0 të pastër por pa autore golash pasi fitoren e ka marrë në tavolinë.
Ja postimi zyrtar i Klubit të Kukësit;
“Klubi i Kukësi njofton se sot ka nisur zyrtarisht rrugëtimin në Superiore ekipi i Kukësit për femra. Skuadra jonë ka pasur ndeshjen ndaj Laçit për femra, megjithatë ky takim nuk është zhvilluar.
Pas paraqitjes së dy skuadrave në fushë, delegati i ndeshjes ka vënë re parregullsi në kriterin e uniformës te skuadra e Laçit dhe ka vendosur që të mos e lejojë zhvillimin e takimit, duke njoftuar klubin tonë për fitore në tavolinë me rezultatin 3-0.
Klubi i Kukësit i ka siguruar ekipit të femrave se do të ketë mbështetjen maksimale për të arritur në rezultate pozitive.
Dikur skuadra e Kukësit për femra arrinte deri në finalen e Kupës dhe nënkampione e Shqipërisë”.
