Ish-deputetja kosovare Dude Balja teksa ishte e ftuar në “Abc-ja e mëngjesit” foli për veprimin më të fundit që ka ndërmarrë qeveria e Kosovës për të ndaluar testin e virgjërisë.
Sipas kodit të ri, ky veprim cilësohet si shkelje e të drejtave të njeriut ndaj duhet të sanksionohet.
Ish deputetja tha se nga ajo që kanë konstatuar, janë më shumë prindërit ata që kërkojnë një “provë” nga gjinekologu se vajza e tyre është e paprekur.
“Qeveria e ka marrë seriozisht gjendjen e femrave në Kosovë. Kemi bërë një analizë dhe kemi parë shumë raste që kanë kërkuar këtë test në disa situate në vende rurale. Ishte e çuditshme sepse shumica e vajzave kanë pasur nënshkrimin e prindërve. Prindërit kanë dashur një aprovim nga gjinekologu se vajza nuk është prekur. Përgjigjet janë shokuese sepse shumica kanë pasur nevojë si provë se vajza është e virgjër.”, tha ish deputetja.
