Ish-deputeti Lefter Maliqi si përherë vijon angazhimin e tij politik dhe takimet me qytetarët në atë që dikur ka qenë zona e tij elektorale që e promovoi për në Parlamentin e Shqipërisë.
Nën drejtimin e tij, zyra e Partisë së Lirisë në qytetin e Kuçovës ka pritur së fundmi dhjetëra të rinj, të cilët janë anëtarësuar në Forumin Rinor të kësaj force politike.
Këtë e ka bërë me dije vetë Maliqi, teksa ka postuar disa fotot në profilin e tij në Facebook, teksa në takime merr pjesë edhe kryetarja e FRPL-së, Floida Kërpaçi.
“Takim entuziast, anëtarësime të reja me të rinjtë e të rejat e Kuçovës në Zyrë e Partisë së Lirisë! E ftuar Kryetarja e Forumit Rinor Znj. Floida Kërpaçi. Rinia forca motivuese për ndryshimin e madh që pret Kuçovën, Beratin dhe të gjithë vendin me përfaqësimin e tyre dinjitoz në Këshillat Bashkiak, si mbrojtës të interesave të qytetarëve dhe fitoren e Opozitës së Bashkuar në shumicën e Bashkive. Uragani nuk ndalet as përballë presionit, shantazhit, mafies shtetërore! Rinia e para kudo!”, shkruan Maliqi.
