Shoqata e Invalidëve kanë nisur protestën e tyre përballë Ministrisë së Financave, ku kanë kërkuar plotësimin e një sërë kërkesash nga qeveria. Ishte pikërisht një invalidë nga Korça që parashtroi disa prej pikave që kërkojnë që të plotësohen.
“Duam të drejtat tona”, brohorisnin ata para ministrisë.
“Kam ardhur nga Korça, jemi invalidë dhe duam të drejtat tona. Indeksimi i pensioneve të invalidëve të punës në përputhje me të ardhura dhe rritjen e çmimeve. Duam rimbursim të energjisë elektrike dhe lëndës djegëse. Dhënie e 500 lekëshit, e premtuar nga buxheti. Nuk jemi për lëmoshë, por kërkojmë të drejtat tona”, tha një invalide.
Invalidët e punës të cilët protestuan për të drejtat e tyre kanë paralajmëruar se do të mblidhen sërish në nëntor. Ndërsa paralajmëruan se do të kërkojnë dorëheqjen e dy ministrave, nëse nuk pranojnë të ulën për t’i diskutuar kërkesat. Një prej përfaqësuesve të invalidëve të punës tha se ka munguar dialogu me qeverinë dhe se nuk kanë marrë asnjë pergjigje deri me tani per 12 shkresat qe kane depozituar. Një prej të pranishmëve në protestë u shpreh se ka nga ata që sot janë ngritur nga krevati për të dalë në tubim.
“Ju bëj thirrje qeveritarëve që të kenë kujdes ndaj nesh, të jenë humanist ndaj nesh, të zbatojnë ligjin shqiptar dhe evropian për këta njerëz, sepse nesër do jetë vonë. Në nëntor do mblidhemi sërish. Ka këtu që janë ngritur nga krevati, për të ardhur për të protestuar për të drejtat tona. Nuk na vlerëson kush. Në nëntor nëse Ministria e Financave dhe e Shëndetësisë nuk do pranojnë të ulen me ne, ne do kërkojmë dorëheqjen e dy ministrave, sepse janë të papërgjegjshëm nndaj vlerave tona humane dhe financiare”, tha protestuesi.
“Kemi kaq kohë që na diskriminojnë. Kemi kërkuar me kohë se jemi përjashtuar nga rimbursimi i energjisë elektrike. Ministria e Financave nuk ka pranuar asnjëherë të ulet me ne. Dialogu social që ka munguar totalisht. Ne që kemi punuar në miniera askush në kolltuqet e tyre kanë gjetur mundësinë për të mos marë mundimin. Kemi dërguar 12 shkresa, e fundit në shtator, asnjë përgjigje. Dinë të shkruajnë se FB e përdorin, por nuk duan, Ky është përcmimi që na bëjnë.
Na është premtuar 1 mijë lekëshi që në 2013, akoma ska asnjë diskutim. Sot kemi rrjedhje të ndihmës së paaftësisë me 8 milion e 6 mijë lekë në muaj. Po këto zotërinjtë si nuk u vjen pak zor? E keni parë që rimburson disa kompani për kryerjen e shërbimeve e shërbimet nuk i kryen, a u vjen zor të rimbursosh hekurin e cimenton?
Po ne që kemi kontribuar një jetë të tërë? Po siguracionet tona?
Këto burokratë dinë vetëm t’i hipin avionave. Na diskretituat, na cuat fëmijët jashtë shtetit, vetëm për pagat. Mos abuzoni me te drejtat tona”, tha një invalid tjetër.
Këto janë 8 kërkesat e invalidëve drejtuar qeverisë Rama:
