Është ndërprerë për 15 minuta seanca plenare në Kuvendin e Shqipërisë.
Kërkesa ka ardhur nga deputeti i Partisë Socialiste, Tonin Gogu i cili tha se duhet të bëhet pushim në mënyrë që të mblidhet grupi parlamentar i PS për të diskutuar një çështje të rëndësishme.
“Zonja kryetare për procedur. Duke kërkur edhe mirëkuptim e kolegëve të opozitës dhe të gjithë juve, ne kemi nevojë që të mblidhemi si grup parlamentar për të diskutuar një çështje të rëndësishme në mesin tonë, kështu që do kërkonim një ndërprerje të seancës dhe një pushim të paktën për 15 minuta” tha Gogu.
Gjatë seancës së sotme, Ministrja e Turizmit dhe Mjedisit, Mirela Kumbaro i është përgjigjur deputetes demokrate Ina Zhupa. Kjo e fundit ka thirrur për interpelancë ministren lidhur me sezonin e turizmit dhe problematikat që e shoqëronin.
