Përfaqësuesi rumun në Asamblenë e KiE, Iulian Bulai pas debatit që pati dje me kryeministrin Edi Rama në Asamble ka zhvilluar një takim me këtë të fundit.
Në një postim në Twiter ai shkruan se kanë folur rreth të ardhmes së Shqipërisë në BE ndërsa ka shtuar se edhe Kosova i përket Europës.
“Takimi dypalësh me kryeministrin shqiptar. Mundësi e shkëlqyer për të folur për të ardhmen e Shqipërisë në BE dhe për integrimin e ardhshëm të Ballkanit Perëndimor në BE. Shikimi drejt së ardhmes është rruga e duhur për Shqipërinë. Kosova i përket KiE. Nuk ka vend për të banuar në të kaluarën”, shkruan Iulian Bulai.
Fjalimi i Kryeministrit Rama ka ngjallur reagime dhe pakënaqësi, ndërsa disa prej përfaqësuesve të pranishëm në sallë e kanë shprehur zemërimin e tyre teksa ende nuk ishte mbyllur fjala duke replikuar ashpër me Ramën. Kujtojmë që Rama kërkoi nga Asambleja Parlamentare e Këshillit të Europës që të rrëzonin akuzat kundër Kosovës dhe të pranojnë kërkesën e Shqipërisë, për një raport vijues ndaj atij të Dick Marty-t.
