Një 47-vjeçar, i dënuar me 9 vjet e 10 muaj burg, për veprën penale “Trafikimi i narkotikëve”, është arrestuar në Pogradec me qëllim ekstradimi drejt Italisë
Në pranga është vënë Taulant Agushi, 47 vjeç, banues në fshatin Starovë, Pogradec.
Operacioni u zhvillua nga Komisariati i Policisë Pogradec, në bashkëpunim me strukturat e Sektorit për Hetimin e Krimeve në DVP Korçë dhe Interpol Tirana.
Gjykata e Torinos, Itali, e ka dënuar këtë shtetas me 9 vite e 10 muaj burg, për veprën penale “Trafikimi i narkotikëve”, parashikuar nga Kodi Penal italian.
Interpol Tirana, në bashkëpunim me Interpol Roma, po vijon procedurat për ekstradimin e këtij shtetasi drejt Italisë.
