Infermierja Lucy Letby akuzohet se ka vrarë 7 foshnja ndërsa kishte planifikuar të vriste edhe 10 të tjera në spitalin Countess of Chester mes viteve 2015 dhe 2016.
Lucy Letby u kap ndërsa po përgatitej të vriste një foshnje të porsalindur.
Gjykata e Mançesterit tha se ajo dyshohet se u përpoq ta vriste vajzën duke i injektuar ajër. Por infermierja 32 vjeçare i ka mohuar të 22 akuzat e ngritura ndaj saj.
“Kishte katër raste të veçanta në të cilat ne pretendojmë se Lucy Letby u përpoq ta vriste foshnjen,” tha Nick Johnson KC i pranishëm në sallën e gjyqit
Fëmija, i referuar për arsye ligjore si “Fëmija I”, ishte “rezistent”, tha ai, “por përfundimisht në përpjekjen e katërt, Lucy Letby ia doli ta vriste”. Ai tha se në rastin e parë Letby, i kishte injektuar fëmijës ajër. Në përpjekjen e saj të dytë, ai tha se ajo kishte qëndruar në hyrje të dhomës së vajzës dhe dyshohet se ishte përpjekur ta mbyste, pasi foshnja dukej e zbehtë. Infermierja e caktuar e vajzës më pas ndezi dritën dhe pa fëmijën që nuk po merrte frymë.
Pas një tentative të tretë të supozuar për ta vrarë, Fëmija I u zbulua përsëri se kishte ajër të tepërt në stomakun e saj, gjë që kishte ndikuar në frymëmarrjen e saj. Ajo u transferua në spitalin Arrowe Park, ku u stabilizua, përpara se të kthehej në Chester.
Kur alarmi mjekësor i “Fëmijës I” ra pas një përpjekjeje të katërt, një tjetër infermiere e gjeti Letby pranë inkubatorit. Foshnja vdiq atë mëngjes, raporton BBC.
“Ishte këmbëngulëse, ishte e llogaritare dhe gjakftohtë,” e përshkruan atë në sallën e gjyqit.
Por kjo nuk ishte e vetmja foshnje e vrarë prej saj. Të tjera foshnje humbën jetën nga injektimi i glukozës, duke hequr tubin e oksigjenit për një foshnje të lindur para kohe, duke i rrëzuar në tokë.
