“Balena vrasëse”, nëndetësja e parë bërthamore sovjetike ka bërë një tur nëpër rrugët e qyteteve të Rusisë përpara se të shndërrohet në një relike në një muze në Shën Petersburg.
Nëndetësja prej 3000 tonësh që nga koha e Bashkimit Sovjetik ka parakaluar dhe është pritur me brohoritje nëpër rrugët e Rusisë.
K-3 Leninsky Komsomol, i ndërtuar në vitin 1957, ishte nëndetësja e parë bërthamore e vendit komunist.
“Balena” 352 metra është vendosur të bëhet pjesë e muzeut në Kronstadt. Reaktorët radioaktivë janë hequr dhe është riparuar ndërsa ishte ankoruar në kantierin e anijeve “Nerpa”.
K-3 ishte një prototip në dru dhe u ndërtua në Molotovsk përpara se të hidhej në det për herë të parë në 1957. Pas një viti ajo u bë zyrtarisht pjesë e Flotës Veriore të Marinës Sovjetike.
Në vitin 1962, ajo u bë nëndetësja e parë sovjetike që arriti nën ujë në Polin e Veriut, katër vjet pas USS Nautilus.
