A do jetë mjeku Ilir Alimehmeti kandidat i Partisë Demokratike për kryetar bashkie në Tiranë. I pyetur në studion e “Opinion”, kryertari i PD Sali Berisha tha se emri do të zgjidhet nga primaret, por nuk e mohoi vlerësimin e tij maksimal për mjekun.
Megjithatë gjatë intervistës, ai tha se në herët që PD ka fituar Tiranën kanë qenë profile politike të kandidatëve.
Berisha: (Për mjekun Alimehmeti) Është një djalë me reputacion të plotë, të njohur dhe vlerësimin tim e ka maksimal, por do jete ai apo tjetri, këtë në mënyrë absolute nuk e di.
Fevziu: Cili do jetë profili i kandidatit?
“Tiranën e kermi fituar 3 herë me profil politik, e kemi fituar 4 herë. Me Sali Kelmendin, Albert Brojkën, me Spartak Ngjelën se e fitoi Ngjela, por ja mori me banda Edi Rama dhe me Bashën. Tirana është fituar 4 herë nga PD. Me profil politik në të 4 rastet, çka do të thotë që fiton profili politik”, tha Berisha, i cili shtoi se kandidati do dalë nga primaret, që sipas tij, pritet të mbyllen këtë muaj për bashkitë e mëdha.
