Presidenti i Rusisë, Vladimir Putin, thotë se Rusia nuk do të shesë naftën me një çmim më të ulët, pasi G7 njoftoi se do të vendoste një kufi mbi çmimin e naftës ruse të shitur në të gjithë botën.
Putin njoftoi gjithashtu se Rusia ishte e gatshme të rifillonte furnizimet me gaz në Evropë përmes një lidhjeje të gazsjellësit Nord Stream 2, që lidhet me Gjermaninë, nën Detin Baltik.
Sipas Vladimir Putin, autoritetet e shteteve perëndimore janë vetë fajtorë për krizën energjetike dhe ‘tallet’ teksa thotë se europianët kanë filluar të grumbullojnë dru zjarri për tu ngrohur në dimër.
“Fakti që evropianët grumbullojnë dru zjarri, si në mesjetë, nuk është faji i Rusisë”- tha Putin.
