Një 52-vjeçar në Bulqizë ka humbur jetën ditën e djeshme pasi është aksidentuar gjatë punës në minierë. Bëhet fjalë për Kujtim Lilin nga Klosi.
Në pranga janë vënë drejtuesi teknik Flamur Halili, 50 vjeç, dhe brigadieri Bekim Tançi, 44 vjeç.
Arrestimi i tyre u bë pasi, nuk kanë marrë masa për zbatimin e sigurisë e të mbrojtjes së jetës e të shëndetit të punonjësve, si dhe nuk kanë ushtruar kontrolle për të siguruar vendin e punës, ku si pasojë në galerinë nr16, u aksidentua me pasojë vdekjen shtetasi K. L., 52 vjeç, që mbante detyrën e zjarrmëtarit.
“Nga Specialistët për Hetimin e Krimit në Komisariatin e Policisë Bulqizë, u arrestuan në flagrancë shtetasit :
F. H., 50 vjeç, banues në Bulqizë, me detyrë Drejtues teknik i një subjekti minerar,
B. T., 44 vjeç, banues në Bulqizë, me detyrë brigadier.”– njofton policia.
