Një ngjarje e pazakontë ka ndodhur ditën e djeshme në qytetin e Durrësit pasi një çift në moshë të thyer janë përleshur dhe kanë goditur me sende të forta njëri-tjetrin.
Një ditë pas ngjarjes policia e Durrësit bën me dije se është arrestuar Ahmet Stafa, ndërsa bashkëshortja e tij, Asije Stafa është vënë nën hetim.
“Në vijim të informacionit të dhënë ditën e djeshme, sipas të cilit, në lagjen nr.11, Durrës, shtetasit Ahmet Stafa, 78 vjeç dhe Asije Stafa, 74 vjeçe (bashkëshortë), pas një konflikti për motive të dobëta, kishin goditur njëri-tjetrin me sende të forta, ju bëjmë me dije se: Specialistët për Hetimin e Krimeve të Komisariati të Policisë Durrës arrestuan në flagrancë shtetasin Ahmet Stafa, si dhe referuan materialet në Prokurori e nisi procedimi në gjendje të lirë për shtetasen Asije Stafa, për veprën penale “Dhuna në familje”, informoi policia.
Materialet i kaluan Prokurorisë, për veprime të mëtejshme.
