Një protestë është njoftuar të mbahet ditën e nesërme përpara godinës së SPAK-ut.
Protesta është organizuar nga Aleanca për Mbrojtjen e Teatrit Kombëtar, ndërsa ka gjetur edhe mbështetjen e Partisë Demokratike.
Aleanca kërkon drejtësi për çështjen e Teatrit kombëtar me moton “SPAK: Ndaje mendjen! Me mafien apo me qytetarët?!”
Deputetja e PD-së, Ina Zhupa, ka bërë thirrje që qytetarët të bashkohen nesër në orën 10:00 përpara godinës së SPAK.
“Nesër në ora 10:00,
Heshtja është bashkëfajësi.
Qytetarët kërkojnë drejtësi!” shkruan zhupa në rrjetet sociale.
Ndërkohë, kujtojmë se kjo protestë vjen 2 vjet e 9 muaj nga kallëzimi i parë për prishjen e Teatrit Kombëtar.
