Kievi u bombardua sot me urdhër të presidentit Vladimir Putin. Mes objektivave të goditur mëngjesin e së hënës, në kuadër të “hakmarrjes” për shkatërrimin e urës që lidh Krimenë me Rusinë, është edhe ura e qelqtë e këmbësorëve në qendër të kryeqytetit ukrainas, Kiev.
Gjatë momentit të sulmit, shihet se si një raketë goditi shumë afër vendit ku ndodheshin këmbësorët.
Të paktën 10 persona u vranë dhe mbi 60 të tjerë u plagosën në breshërinë e sulmeve me raketa, për herë të parë që nga qershori i kaluar.
Ndër vendet që u sulmuan ishin dhe parqet e këndet e lojërave.