SHBA-të e kanë marrë tepër seriozisht kërcënimin që Shqipërisë i kanoset nga regjimi islamik i Iranit, pas sulmeve kibernetik ndaj vendit tonë që “hodhën në tokë” sistemin elektronik të të dhënave e-Albania dhe sistemet TIMS e MEMEX të Policisë së Shtetit.
Për të provuar këtë, mjafton të shohim paraqitjen e një rezolute për shqyrtim në Kongresin e SHBA që dënon sulmet kibernetike ndaj vendit tonë, e cila është përshëndetur edhe nga ministrja e Jashtme, Olta Xhaçka.
Në një postim në Twitter, Xhaçka shkruan se është thelbësore që Irani të mbahet përgjegjës për veprimet e tij.
“Mirënjohës për Ritchie Torres, Robert Aderholt, Jim Himes, Lisa Mçlain për paraqitjen e rezolutës që dënon sulmet kibernetike kundër Shqipërisë. Është thelbësore që Irani të mbahet përgjegjës për veprimet e tij. Ne mirëpresim mbështetjen e Kongresit të SHBA-së dhe përgëzojmë punën e Grupit Parlamentar të Shqipërisë”, shprehet kryediplomatja shqiptare.
