Nga Boldnews.al
Edhe pse u duk se dy herë ish-ministren e Jashtme dhe Mbrojtjes, Olta Xhaçka, e nxorrën nga dera e PS-së, sërish ajo u fut nga dritarja, duke kapur mandatin e deputetes. Tashmë jep mend edhe për drejtësinë e re, apo ligjëron për sukseset e qeverisë, që vetëm syri i saj ka supërfuqi t’i shohë.
“Opozita flet për korrupsion, por është e para që sulmon SPAK-un, sa herë ai prek njerëzit e tyre. Flet për punë të bëra keq, por nuk flet për asnjë ide se si këto punë mund të bëhen më mirë. Në fund të ditës qytetarët e shohin dallimin. Mazhoranca punon, sjell investime, hap dyert në Evropë dhe e çon vendin përpara”-tha Xhaçka në Parlament. Shumë guxim prej saj dalja sërish në skenën politike. Shumë trime, mos me ja ngrënë hakun. Kushdo që do kishte qenë në vendin e saj do tutej të shfaqej në publik, e aq më shumë në Parlament, duke mbajtur mbi supe një peshë aq të “madhe” sa ajo e përballjes me të ashtëquajturën drejtësi e re.
Për Xhaçkën dhe bashkëshortin e saj Artan Gaçi, shkoi në kokërr të burgut Jorgo Goro, ish-kryetar i Bashkisë Himarë. Ai dhe dy nëpunës të lartë të saj bashkie akuzohen se kanë falsifikuar dokumentat dhe ofruar pronë publike çiftit Xhaçka-Gaçi, të cilët u shpallën nga kryeministri Rama si “investitorë strategjikë”. “çifti I lumtur politik, do të ndërtonte një resort turistik në një nga zonat më të preferuara të Himarës, duke përfituar edhe pronën publike, plazhin përballë resortit. Veç kësaj, Xhaçka kaloi disa orë në SPAK edhe për çështje të tjera siç është ndërhyrja e hapur për dhënien e pronave të ushtrisë biznesmenëve të ndryshëm.
SPAK-u para strategjikes Xhaçka u tregua “alergjik” për të shfletuar një për një dokumentat që tregonin sesi me ndërhyrjen e saj, apo edhe me firmën e saj, pronat e ushtrisë tashmë të sekustruara nga SPAK, u tjetërsuan në kundërshtim me ligjin dhe i kaluan për zhvillim biznesmenëve pranë oazit të qeverisë.
Kur të gjithë menduan fundin, ajo kapi sërish majën. E kapi dhe nuk po e lëshon më, duke qenë aktive përgjatë këtij sesioni të ri Parlamentar. Xhaçka nuk ka munguar në thuajse asnjë seancë, ndërsa shihet aktive edhe në Komisionin Parlamentar. Detyrën e ka të qartë në mbrojtje të qeverisë, por nga ana tjetër, nuk le pa komentuar edhe SPAK-un, Prokurorinë Speciale, e cila çështjen Xhaçka e trajtoi përciptas, duke i dhënë deri më tani çdo falje të mundshme. E pësuar vetëm ata që u vetëflujuan për çiftin Xhaçka-Gaçi, por vetë personazhi i përfshirë tashmë ka sfiduar hapur sistemin.
Emri i Xhaçkës shkoi deri në Komisionin e Venecias. Rama për të vendosi në rresht Parlamentin, duke mos zbatuar vendimin e Gjykatës Kushtetuese. Gjithashtu në Tiranë i la zona mbulimi ku PS-ja patronazhonte në nivele të shkëlqyera. Në fund mundi rivalen Blerina Gjylahmeti, e cila kur kërkoi rinumërim të votave preferenciale u tërhoq me urdhër të Ramës, ndërsa Xhaçka tundte triumfin e fitores si deputete.
Guximi është i madh. Mund ta ketë fituar që në kohën kur shpërtheu lufta Rusi-Ukrainë dhe vetë ajo i bëri thirrje Rusisë e Putinit të hiqnin dorë nga pushtimi, ndryshe di ishte vonë dhe Shqipëria si një vend me potencial të madh ushtarako-politik qe rreshtuar krah vendeve që sanksionuan Rusinë. A mos është kjo një nga arsyet që SPAK tutet para fuqisë politiko-strategjiko-patriotiko-diplomatike të Xhaçkë investitore strategjikes?
