Kryetari i PD-së Sali Berisha iu ka bërë thirrje të rinjve që të bëhen pjesë e protestave të fuqishme.
Nga Libohova, ku po zhvillon një takim me banorët e zonë, ai tha se shqiptarët po largohen nga vendi, ndërsa varfëria dhe skamja po bëhet gjithnjë e më shumë problem.
Berisha foli edhe për çmimin e naftës, që në Shqipëri është 6-8 herë më shtrenjtë se në vendet e Europës, pavarësisht se prodhojmë 1 milion ton në vit.
Sali Berisha: Katet pa leje si sheh ai se ka fitimet e tij, dhe ka marrë dy satelitit të gjejë ndërtimet pa leje. Ka kohë për cdo shqiptar që t’i dalë zot vendit. Po shohim se si po tretemi, se si po na ikën e ardhmja. Do e nis nga të rinjtë. Në këtë betejë, ju bëj thirrje të dilni në krye të përpjekjes, qoftë për një fushatë model, qoftë për protesta të fuqishme. Kemi detyrim të madh ndaj njëri-tjetrit, ndaj trashëgimisë sonë atdhetare, që të ndalojmë rrokullisjen e madhe. Vendi ka një qeveri e cila nuk përpiqet që të fshehë asgjë me arrogancën e saj për qytetarët, interesat e tij dhe problematikat e tij. Çmimi i energjisë është rritur. Në këtë kohë biznesit i rritet energjia nga 71 lekë dhe jua ngritën 2250 lekë. Këtë çmim e paguajnë qytetarët në gramaturën e bukës që blejnë. Thashë këtë shembull. Çfarë ndodh me turizmin? Bëhet ‘mollë e ndaluar’ për shqiptarët. Duhet të shkojnë të pushojnë në një vend tjetër se sa të zbresin nga Tirana në Jug. Vendi prodhon 1 mln ton naftë. Po çfarë përfitojnë shqiptarët? Shqiptarët përfitojnë çmimin më të lartë të naftës në Europë, 6-8 herë më të lartë se çdo vend tjetër i Europës. A nuk është kjo naftë mallkim për ne? Sepse Rama vendos mbi naftën taksën më të lartë në botë. Atë taksë e vendos sa është çmimi i naftës në Uashington.
