Ish-presidenti Ilir Meta, ka deklaruar se lirimi nga qelia i ish deputetit të Partisë Socialiste Alqi Bllako, ishte mesazh i qartë.
“Rama nuk i bën këto llogari se ndryshe nuk do të vidhte siç vjedh, e nuk do të lironte një nga zbatuesit kryesor të urdhrave të tij. Të gjithë presin ministrat e Ramën para drejtësisë ai jep mesazh vidhni sa të doni se kush vjedh për hesapin tim është i mbrojtur”, ka thënë Meta.
Kryetari i Partisë së Liris shprehet se gjithçka është bërë e imponuar nga Rama.
“Mesazh i qarë që prokuroria ka qenë në presion dhe veprimet e bëra nga denoncimet ton, LSI, unë si President, është e qartë që prokuroria nuk ka bërë as 1 përqind të punës sepse kemi të bëjmë me organizatë kriminale me në krye Ramën e Agaçin jo përgjegjësi individuale. 13 vendime në një ditë , nuk mundet në një ditë të marrësh 13-14 vendime ku çdo vendim duhet të kalojë në ministri dhe ministrat nuk janë dakord. Gjithçka është bërë e imponuar nga Rama”, tha ai.
