Kryetari i Partisë së Lirisë ilir Meta, i ftuar në emisionin “Kjo javë” ka folur mbi protestat e pedagogëve për rritjen e pagave.
Teksa është pyetur nga gazetarja nëse PL do të denoncojë abuzimet e qeverisë, Meta është përgjigjur po.
Meta ka thënë se me 5 dollarë në ditë, mësuesi duhet të mësojë e edukojë fëmijët e qytetarëve apo të mendojë si të ushqejë e të rrisë fëmijët e tij.
“ Pa asnjë diskutim. Na duhet shumë kapacitet teknik juridik për të formuluar paditë, një punë shumë e kujdesshme dhe e mirëfilltë ligjore. Nuk ndalen në hajdutërinë e tyre, nuk ka gjuhë tjetër për çmimin e naftës, kur sheh se si del nga KE nga institucionet europiane sa paguhen mësuesit në europë dhe di sa paguhen në Shqipëri. Ndërkohë në Mal të Zi paguhen më shumë se dyfishi. kur pedagogët këtu ngrihen në grevë se duan në 2 vite 50 përqind rritje page të bëhet të paktën sa në Kosovë. Bëjnë propozime qesharake që një pjesë e shtesës të plotësohet nga kontributet e studentëve, të cilët nga ana tjetër kërkojnë mbështetje. Ndjeshmëria është zero. Një njeri i papërgjegjshëm që nuk ka pasur problem shpopullimin madje preferon të ikin shqiptarët e të vijnë bangladeshasit, tashmë fajëson Europën që po na merr qytetarët se paga më të larta”, thotë Meta.
Më pas ai shton: “Nuk ikën kush veç për pagat. Mësuesi i takon një shtese të mesme të shoqërisë. Kemi dy mësues bashkëshorti e bashkëshortja marrin pagë 8200 euro, mesatarisht 2 fëmijë. I bie 2 mijë euro për person në vit, si mund të përballohet ushqimi, veshja, qeraja e gjithçka tjetër. Ku ta ketë mendjen mësuesi ku me 5 dollarë në ditë jemi në kufijtë e varfërisë ekstreme në Shqipëri. Mësuesi të mësojë e edukojë fëmijët e qytetarëve apo si të ushqejë e të rrisë fëmijët e tij. Rama nuk i bën këto llogari se ndryshe nuk do të vidhte siç vjedh, e nuk do të lironte një nga zbatuesit kryesor të urdhrave të tij.”, shprehet Meta.
