Kreu i sapozgjedhur i FRPD-së Besart Xhaferri ka nisur takimet në rrethe. Gjatë ditës së sotme ai ka qenë në Berat ku është takur me të rinj të forumit në këtë qytet, ka folur për nisjen e fushatës dhe rivitalizimin e strukturave.
Xhaferri ka thënë se në këto momente është shumë e rëndësishme promovimi i të rinjve,. Ndërkohë kujtojmë se ardhja e Xhaferrit në krye të FRPD-së pati kontestime të shumta, për mënyrën e votimit si dhe faktins e emri i tij ishte paracaktuar për të qenë në krye.
Deklarata
“Promovim i të rinjve demokratë dhe rivitalizim i strukturave në të gjithë Shqipërinë, hap kryesor drejt së ardhmes”, Besart Xhaferri takim me strukturat drejtuese të FRPD-së.
Kryetari i FRPD, Besart Xhaferri ka zhvilluar këtë të shtunë një takim me strukturat drejtuese të Degëve të FRPD të qarqeve Tiranë, Elbasan dhe Durrës në selinë e Partisë Demokratike.
Gjatë takimit u hodhën ide dhe u shpalosën platforma mbi rritjen e interesit të të rinjve për t’u përfshirë në politikën aktive.
Promovimi i të rinjve demokratë është hapi kryesor drejt së ardhmes. FRPD dhe kryetari i saj janë të vendosur për të rivitalizuar strukturat në të gjithë Shqipërinë.
