Hektor Psatha është 44-vjeçari që ndërroi jetë sot si pasojë e një aksidenti në autostradën Tiranë-Durrës, kur makina me të cilën po udhëtonte doli nga rruga.
Ironia e fatit është se viktima do të festonte sot ditëlindjen. Mediat bëjnë me dije se Hektor Psatha ka qenë emër i njohur për policinë, pasi në të kaluarën ka qenë arrestuar për drogë dhe prostitucion. 44-vjeçari dikur shfrytëzonte femrat që kishte në administrim kryesisht në zonën e Plazhi në qytetin e Durrësit, përgjatë vijës bregdetare nga Ura e Dajlanit deri në Malin e Robit. Ai në të kaluarën punonte si faturino urbani në zonën e Plazhit për të mbuluar aktivitetin e tij kriminal. Ai ka dalë nga burgu rreth dy vjet më parë.
I ndjeri, disa vite më parë ka qenë pjesë e futbollit të sallës “Futsal”, si lojtar i Teutës dhe ekipit kombëtar të Shqipërisë. Hektori ka marrë pjesë në dy kampionate botërore të këtij sporti.
