Kryetari i Partisë Demokratike, Sali Berisha ka komentuar lirimin nga qelia e burgut të ish-deputetit socialist Alqi Bllako.
Gjatë takimit me banorët e Memaliajt, Berisha theksoi se Bllako iu lehtësua vendimi në “arrest shtëpie” pasi mund të fliste duke implikuar Veliajn dhe Ramën në aferën e inceneratorëve.
“Dje liruan deputetin pasi ua kërciti dhëmbët Veliajt dhe Ramës, më lironi ose do flas. Bllako e kishte vjedhur 10 deri në 12 milionë, sikur të ishte ndonjë shef ekzekutivi të një corporate të madhe. A i pranojmë ne të gjitha këto vjedhje? Jo! E gjitha kjo është sepse Edi Rama ka gjetur naftën dhe energjinë si një shpatë për tu ulur kokën shqiptarëve, por ne nuk ndalemi. Do protestojmë!”, tha fillimisht Berisha.
Ish-kryeministri tha ndër të tjera se PD nuk do të ndalet para këtyre vjedhjeve duke paralajmëruar protesta të fuqishme.
“20 milionë euro, asnjë djegës nuk ekziston që ta dini ju. Mafia e ka si pikë mjalti plehun, plehu është terreni më i përshtatshëm që të shtrijë tentakulat e veta. Rama e dëshmoi këtë më mirë se kushdo tjetër. U instaluan hedhurina në Elbasan, i Tiranës nuk ekziston. Rama e ka kthyer në bixhoz pasurinë publike, faturën e paguajnë qytetarët. Dje bëra publik një informacion, furrave të kafshatës ua ka rritur çmimin nga 72 lekë në 225 lekë kilovatin, nuk ka diskutim që atë çmim do ja faturojë klientit. Pasi deklaroi se furrat nuk do i përfshijë në fashë e bëri, edhe fabrikat e miellit. Ndërkohë, 200 milionë euro është detyrimi që kanë instancat shtetërore ndaj OSSH-së, ju i keni dhënë paratë”, vijoi Berisha.
Berisha komentoi dhe rritjen e çmimit të energjisë dhe akuzoi kryeministrin Rama se “po e përdor energjinë si një shpatë damokleu mbi shqiptarët”.
“Ne nuk jemi asnjë arsye që të jemi në krizë energjitike. Falë asaj strategjie që ndërtoi PD për energjinë, hecet e reja, sot prodhimi i energjisë është mbi dyfishuar në raport me hecet ekzistuese. Edi Rama e ka kthyer në bixhoz, shet pasurinë tonë publike me cmime që i leverdisin atij e grupit të tij për tu pasuruar dhe faturën e paguajnë qytetarët. Furrave të bukës, të kafshatës ua ka rritur cmimin më 2 janar 2022 nga 71 lekë në 225 lekë kilovatin. Cfarë do bëjë furrxhiu? Atë cmim do ia faturojë klientit. Përfshiu fabrikat e miellit, furrat, ka përfshi me dhjetra institucione kulti, ndërkohë 200 milionë euro është detyrimi që kanë institucionet shtetërore ndaj OSSH”, tha Berisha.
