Policia bën me dije se janë arrestuar në Tiranë pesë persona, pasi në bashkëpunim me njeri-tjetrin kanë kryer vjedhje.
Konkretisht në pranga kanë rënë shtetasit: F. D., 26 vjeç, F. H., 22 vjeç, H. Xh., 20 vjeç, D. B., 17 vjeç dhe L. T., 16 vjeç, për veprën penale “Vjedhja”.
Këta shtetas, ditën e djeshme, kanë vjedhur dy bagëti të trasha, në fermën didaktike, në pronësi të Universitetit Bujqësor Tiranë.
“Sekuestrohet një automjet që dyshohet se është përdorur nga të arrestuarit, për vjedhje. Specialistët për Hetimin e Krimeve të Komisariatit të Policisë Nr. 5 arrestuan në flagrancë shtetasit: – F. D., 26 vjeç, F. H., 22 vjeç, H. Xh., 20 vjeç, D. B., 17 vjeç dhe L. T., 16 vjeç, për veprën penale “Vjedhja”, kryer në bashkëpunim. Këta shtetas, ditën e djeshme, kanë vjedhur dy bagëti të trasha, në fermën didaktike, në pronësi të Universitetit Bujqësor Tiranë. Punohet për dokumentimin e vjedhjeve të tjera që mund të jenë kryer nga këta shtetas”, njofton policia.
Materialet i kaluan Prokurorisë, për veprime të mëtejshme procedurale.
