Ish-kreu i Njësisë Administrative të Kallmetit në Lezhë Besnik Simoni është liruar nga burgu.
Gjykata e Lezhës ka dhënë sot masën e sigurisë “arrest shtëpie” për kreun e njësisë administrative Kallmet, Besnik Simoni, i cili u arrestua me datë 2 prill pas një sherri me bashkëfshatarin Altin Markun ku pati shkëmbim zjarri dhe që të dy morën plagë të rënda në trup.
Çështja u shqyrtua nga gjyqtari Artan Hajredinaj, ndërsa kërkesa për zëvendësimin e masës nga “arrest me burg” në “arrest shtëpie” u bë nga avokati i Simonit. Me vendimin nuk ka rënë dakord prokurori Françesk Ganaj, i cili ka ankimuar vendimin në Gjykatën e Apelit në Shkodër.
Kujtojmë që ngjarja ndodhi në prill në fshatin Kallmet, në Lezhë, ku pas një debati mes Simonit dhe Markut, pati shkëmbim zjarri dhe që të dy morën plagë të rënda në trup.
