Një aksident ka ndodhur këtë të Enjte në Fushë-Krujë ku dy persona kanë mbetur të plagosur pasi një makinë përplasi një motor.
Policia bën me dije se drejtuesi i motorit, shtetasi I. M., bashkë me pasagjeren shtetasen M. M., ndodhen në spital, nën kujdesin e mjekëve.
“Specialistët e Qarkullimit Rrugor arrestuan në flagrancë për veprën penale “Shkelja e rregullave të qarkullimit rrugor”, shtetasen E. V., 30 vjeçe, banuese në Bubq, Fushë Krujë, pasi ka përplasur me automjetin që drejtonte, motomjetin me drejtues shtetasin I. M., i cili bashkë me pasagjeren në motomjet, shtetasen M. M., ndodhen në spital, nën kujdesin e mjekëve”, njofton policia.
Materialet i kaluan Prokurorisë, për veprime të mëtejshme.
