Grabitet një banesë në fshatin Ashtë të Vaut të Dejës.
Grabitësit kanë vjedhur një shumë parash në banesë dhe një automjet tip “Benz” i parkuar në oborrin e shtëpisë me targa AB 518LB, në pronësi të Zef Pepajt.
“Më datë 05.10.2022, rreth orës 04:25, në fshatin Ashtë, Vau i Dejës, persona ende të paidentifikuar kanë vjedhur me dhunë në banesën e shtetasit Z. P., një shumë parash dhe automjetin tip “Benz”, i cili ka qenë i parkuar në oborrin e kësaj banese.
Është ngritur menjëherë grupi hetimor dhe vijojnë hetimet intensive për zbardhjen e rrethanave të ngjarjes, identifikimin dhe kapjen e autorëve.”- njofton policia.
Vetëm dy ditë më parë në Shkodër u regjistrua edhe një tjetër grabitje në fshatin Kosmaç. Sipas njoftimit zyrtar, vjedhja është raportuar nga i zoti i banesës dhe autorët i ka parë në momentin e largimit nga vendngjarja por nuk kanë pasur armë me vete.
