Një aksident ka ndodhur këtë të Mërkurë në Unazën e Korçës. Një mjet tip “Benz” që drejtohej nga shtetasi R. R., 19 vjeç ka përplasur një 65-vjeçar që udhëtonte me biçikletë.
“Rreth orës 10:20, në lagjen nr. 16, në unazën e qytetit të Korçës, ka ndodhur një aksident rrugor ku automjeti tip “Benz”, që drejtohej nga shtetasi R. R., 19 vjeç, ka aksidentuar biçiklistin A. Z., rreth 65 vjeç, i cili u dërgua në spitalin e Korçës dhe ndodhet nën kujdesin e mjekëve”, njofton policia.
Me drejtuesin e mjetit po kryhen veprimet e mëtejshme procedurale.
Grupet hetimore po punojnë për sqarimin e rrethanave dhe përcaktimin e shkaqeve të aksidentit, bëjën me dije uniformat blu.
