Besnik Cani i shkarkuar nga detyra si prokuror nga Kolegji i Posaçëm i Apelimit, raportohet se ka fituar gjyqin në Strasburg, ku kishte apeluar shkarkimin në 27 shkurt 2020 nga KPA.
Kolegji i Posaçëm i Apelimit e shkarkoi nga detyra Canin pas ankimimit që bëri Operacioni Ndërkombëtar i Monitorimit (ONM). Fillimisht, Cani kaloi shkallën e parë të vetingut pavarësisht disa problemeve që u evidentuan në seancën dëgjimore. Më pas, ai u zgjodh anëtar i Këshillit të Lartë të Prokurorisë. Komisioneri Publik ankimoi vendimin e Komisionit të Pavarur të Kualifikimit, që e konfirmoi në detyrë prokurorin Cani.
Pjesë e argumentit të Strasburgut për vendimit ka qenë dhe Luan Daci, ish-gjyqtari i KPA i cili u dënua me vendim të formës së prerë me shërbim provë për falsifikim dokumentesh. Pikërisht një vendim i dhënë nga një trupë ku pjesëmarrës ishte edhe Daci, për Gjykata Europiane e të Drejtave të Njeriut, përbën shkelje.
Gjykata Evropiane njofton se procedurat lidhur me shkarkimin e Canit duhen rihapur.
