Juristi Ylli Manjani, i ftuar në emisionin “A shoë”, ka folur për ndërtimet pa leje në Tiranë.
Manjani u shpreh se Edi Rama është sateliti i thashethemeve dhe se di çdo gjë, ndërsa thekson se sekuestrimi i pallateve pa leje të zbuluara këtë vjeshtë, me pretendimin se qeveria nuk kishte dijeni, është mashtrim.
Manjani: ‘Së pari, një e moshuar 80 vjeçe në Vlorë, larg çdo rregulli ligjor, pasi ligjet tona thonë se nuk futesh në burg, as në arrest as shoqërim po e kalove 70 vjeç. Policia jonë politike që e ka syrin pishë, nuk lejon as një kotec dhe e fut të moshuarën brenda.
Bojken Lako, kishte marrë një leje, vajti te një magazinë dhe donte të rihapte dritaren që
kishte qenë dikur dhe ishte mbyllur me tulla.
E morën e futën brenda dhe e dënuar me 3 vjet burg. E panë dhe atë.
Po guxo të hapës një vrimë në mur, në shtëpinë tënde se do të vendosësh një pikturë, të vjen policia bashkiake, ajo dallëndyshja që shkon i dallëndyshe tek të pasurit, tek të varfrit bëhet skifter.
Pra ky shtet di çdo gjë edhe vrimën e murit dhe nuk pa Edi Rama katet pa leje, në mes të Tiranës të ‘Syri i Tiranës’, si pa ato. Pallatin pa leje, 7 kate.
Ky është sateliti i thashethemeve, ka 27 vjet në politikë dhe e ka nisur që me celularin Nokia dhe bënte sms në disa vende njëherësh’.
