Kryetari i Partisë së Lirisë, Ilir Meta kërkoi nga qeveria marrjen e masave të menjëhershme për rritjen e pagave të pedagogëve.
Në një konferencë për mediat të Martën, Meta u shpreh se kërkesat e pedagogëve janë legjitime dhe se pagat e tyre janë më të ulëta në rajon.
“Ndonjë mund të thotë se qeveria ka halle të mëdha dhe nuk ka ku gjejë lekët, por nëse ka vullnet dhe vlerësohet arsimi, atëherë shoqëria do të ecë përpara dhe më të sigurt. Kërkesat e pedagogëve janë më se legjitime dhe nuk duhet vonuar. Tani ku do t’i gjejë lekët do thonë? Lekët aty janë. Mjafton të të bllokohet afera e inceneratorëve ku vidhen miliona euro, të mos vidhet me kilometrat e rrugës së re që është 6 herë më shtrenjtë se në Serbi”, tha Meta.
