Qeveria e drejtuar nga Edi Rama ka zgjedhur të bëhet qesharake në mënyrën sesi po menaxhhon krizën ekonomike dhe sesi prezanton planet për të mbrojtur qytetarin nga rritja e çmimeve të mallrave të konsumit, karburantit dhe energjisë.
Teksa dalin nëpër ekrane dhe mbrojnë Bordin “komunist” të Transparencës, siç e ka quajtur vetë shefi i qeverisë për vendimet absurd në kundësrshtim me bursën për çmimin e kaburantet, ministrat e Ramës tashmë e pranojnë se shteti s’ka strategji për mënyrën si do ia dalë mbanë në dimër.
Përballë krizës ekonomike, Ministrja e Shtetit për Standardet dhe Shërbimet Milva Ekonomi thotë se rritja e çmimit të energjisë është shëndërruar në çështje fati.
A do të ketë rivendosje të fashës 800 kËh për mijëra abonentë familjarë u pyet ajo në “Open” dhe u përgjigj si një “fallxhore”, duke thënë se uron që edhe shqiptarët të jenë me fat që të mos rriten çmimet.
BISEDA:
Eni Vasili: Do jemi me fat në nëntor-dhjetor?
Milva Ekonomi: Ky është një puzzle që monitorohet në mënyrë të vazhdueshme, nuk di fare çfarë të them. Unë uroj të jemi me fat, dua të jemi me fat. Ishalla jemi me fat. TEC-i do të përfundojë në fund të vitit 2023, e di që janë dhe footvoltaikët, di dhe që ka filluar gara dhe.
Eni Vasili: Po këto janë afatgjatë, po për këtë dimër?
Milva Ekonomi: E di zemër, po për këtë dimër ajo që duam është të mirëmenaxhojmë buxhetin që të mos preken familjen.
Eni Vasili: A do të rritet fasha?
Milva Ekonomi: Nuk e di zemër, nuk e di çfarë do të ndodhë.
Eni Vasili: Shpesojmë që të kemi fat, u bë punë fati?
Milva Ekonomi: Jo, jo, nuk e bëjmë vetëm ne në Shqipëri këtë gjë, e bëjnë shumë vende.
