Kryeministri Edi Rama deklaroi në një intervistë televizive këtë të Hënë se nuk ka një pastrim masiv parash në Shqipëri, sikur raportohet.
Rama pranoi se në vend pastrohen para, por shtoi: Ku nuk pastrohen para në cilin vend të botës? “Para pastrohen kudo, e pavërtetë që pastrimi i parave është masiv në sektorin e ndërtimet”, tha ai.
Po ashtu, shtoi se te kullat në kryeqytet s’pastrohen dot para.
“Te kullat s’pastrohen dot para se janë me transaksione bankare, të gjitha kullat e Tiranës kanë njerëz me emër dhe mbiemër që janë njerëzit e sipërmarrjes që hyjnë në taksapaguesit e Shqipërisë. Bëhen në toka private kanë pronarë dhe pjesëmarrja e tyre shkon 35-40 përqind”, shtoi Rama.
