Deputeti demokrat, Ervin Salianji ka komentuar zgjedhjet për kryetarin e FRPD.
Salianji thotë se, ky proces krijon probleme dhe sjell përçarje për Partinë Demokratike, ndërsa thekson se tre nga kandidatët në garë kanë kontestuar fitoren e Besart Xhaferit.
Salianji: “Në komunikimin publik sot kemi një rrëmujë, kemi kontestime, është kthyer vëmendja te PD, në vend që të kthehej te gjithçka ka ndjekur Rithemelimin, është kthyer nga një proces që duhet të ishte energjizues, një proces që po krijon probleme. Nuk po e përmend ish-kryetari, por njerëz që kanë ndjekur rithemelimin dhe janë bërë copash. Zgjedhjet janë kontestuar nga kandidatët e tjerë. Kandidati që ka dalë i treti me më shumë vota, të kishte kontestuar, i dyti kishte kontestime, kandidati i Durrësit ka kontestime. Unë nuk e di nëse gara ka qenë e lirë. Duhet të vinin të 5 kandidatët dhe të të jepnin dorën. Asnjëri nuk është aty. Po qe se sjell përccarje, duhet gjetur zgjidhje tjetër”.
Nga ana tjetër, kryetari i ri i FRPD, Besart Xhaferi tha se nuk ka prova për cenim të procesit, ndërsa shtoi se ai ka marrë një mesazh urimi nga kandidati që doli i dyti në këto zgjedhje.
