Ish-deputeti Lefter Maliqi i ka bërë thirrje elektoratit në Berat që të bëhet gati për të punuar në mënyrë të palodhur drejt fitores në zgjedhjet e ardhshme.
Gjatë një postimi në rrjetet sociale, Maliqi teksa shpërndan foto nga fushatat elektorale është falënderues ndaj mijëra njerëzve të cilët e kanë mbështetur në betejat më të forta politike. Maliqi thekson se detyra e tij është që të udhëheqë mbështetësit e tij drejt suksesit të ardhshëm, që ka si objektiv kryesor rrëzimin e pushtetit të Edi Ramës.
“Koha për të qënë me ju, pranë jush,mes jush,si ju.! Kemi bërë shumë së bashku në investime, aktivitete, ndihma te ndryshme, në vizita, ngushëllime, përkrahje e mbështetje reciproke. Janë bërë ndryshime të mëdha të prekshme të dukshme, gjurmë qe mbeten, himazh që nuk humbet, respekt ,mbeshtetje e mirënjohje qe mbetet,janë berë dhjetra km rrugë të asfaltuara, shkolla, kopshte, qendra shëndetsore,kanalizime,ujësjellesa,tortuare,ndricime,qendra kulturore e asambel ,ndihma te ndryshme per familjet në nevojë,për qendren shëndetsore,libra per nxensit në anijen logos Amerikane,aktivitete kulturore e sportive,bursa për studentët etj etj etj .!
Por ndaj jush kam shumë detyrime pasi më keni mbeshtetur kur kisha nevojë, në betejat më të forta të jetës time , në 2007 kundra dy kampeve politike dhe 2009 duke më nxjerr fitues si ish kryetar komune dhe ish deputet. Në 2011,2013 dhe 2015 ju më keni mbeshtetur për cju kam thënë e kërkuar ballë për ballë dhe në thirrjet e mia në rrjetet sociale, dhe ju jam tepër mirënjohës ,pavarsisht se fitues nuk jeni as ju as unë ,pasi emri im ska qënë , por keni votuar alternativen time politike prandaj ju jam dy herë mirënjohes dhe detyrimi im është shumë i madh ndaj jush,se bashku do dalim fitues në sfidat dhe betejat e ardhshme , për vazhdimin me sukses te misionit tonë të përbashkët human ,njerzor ,te vertet,real dhe besëmbajtur ,vetëm me punë,premtime të mbajtura me mbeshtetje respekt e mirënjohje reciproke si në 2007- 2013.!
Koha për të qënë me ju,pranë jush,mes jush,si ju është tani,koha nuk pret.! Me punë të palodhur drejt Fitores“, shkruan Lefter Maliqi.
