Rreth 3.4 milionë banorë të Bosnje-Hercegovinës kanë të drejtë të votojnë në zgjedhjet e përgjithshme presidenciale që zhvillohen ditën e sotme në vend.
Në zgjedhje marrin pjesë parti nacionaliste si dhe parti reformatore, ndërsa qytetarëve u duhet të vendosin për fatin e një shteti ende të ndikuar nga ndasitë etnike dhe që i duhet t’i bëjë ballë politikave separatiste serbe.
E teksa rezultati do të ketë kontestime të pashmangshme, ajo që ka rrëmbyer vëmendjen ishte ngjarja e trishtë e regjistruar në një qendër votimi në Grabavicë të kryeqytetit Sarajevë.
Qendra e votimit u mbyll përkohësisht sepse një 81-vjeçare ndërroi jetë në hyrje të saj.
Mediat vendase raportojnë se e moshuara ka humbur jetën si pasojë e një sulmi epileptik.
Mjekët bënë të pamundurën për të shpëtuar 81-vjeçaren, por ajo nuk mundi të mbijetonte dhe ndërroi jetë në shkallët e hyrjes për në qendrën e votimit.
Pre incidentit, qendra e votimit u mbyll për të paktën një orë, ndaj votimi do vazhdojë edhe pas orës 19:00.
