Pas përfundimit të Këshillit Kombëtar të Partisë Demokratike, Edi Paloka ka zbuluar vendimet e marra për votimet për kandidatët në primare.
Paloka ka zbuluar risinë ku shtoi se do të votojnë jo vetëm anëtarët e PD por edhe simpatizantët e saj.
“Menjëherë pas sot meqenëse ishte procesi i miratimit të rregullores pengesë, do të fillojnë kontaktet me aleatët me të cilët do të bashkërendohet puna. Detajet se si do veprohet në rast se do të vendoset që aleatëve t’iu lihet një zonë e lirë, do të përcaktohen gjatë bisedimeve. Sot mbyllëm rregulloren, të gjitha këto do të përcaktohen në ditët në vazhdim. besoj që vetë kryetari i PD do të jetë negociatori kryesor, z. Berisha”, ka thënë Paloka.
I pyetur për protestat, Paloka tha se janë marrë vendimët e duhura .
“Është një çështjes që ishte në rëndin e ditës, u diskutua dhe u morën dhe vendimet e duhura që ju do t’i merrni vesh në momentin e përshtatshëm. Deputetët e PD-së janë deputetë të PD-së kudo qofshin. Janë zgjedhur nga anëtarësia e PD-së. Janë të mirëpritur në çdo moment dhe sigurisht janë të barabartë me pjesën tjetër, nuk ka asnjë ndarje mes nesh”, ka thënë ndër të tjerash.
