Dy persona, D.B., 48 vjeç dhe F.P., 40 vjeç, janë arrestuar ditën e sotme në Elbasan pasi u kapën duke marrë në mënyrë të jashtëligjshme inerte nga lumi Shkumbin.
Në pranga ranë D.D., administratori i një subjekti privat dhe, F.P, drejtuesi i ekskavatorit, ndërsa u sekuestruan kamioni që drejtonte administratori, i ngarkuar me inerte dhe ekskavatori.
“Me finalizimin e operacionit policor “Shkumbini”, u arrestuan D. B., 48 vjeç, administrator i një subjekti privat (drejtues i kamionit) dhe F. P., 40 vjeç, drejtues i ekskavatorit, pasi janë kapur nga shërbimet e Policisë, duke gërryer shtratin e lumit Shkumbin dhe duke marrë inerte në mënyrë të kundërligjshme,” njoftoi policia.
Materialet i kaluan Prokurorisë pranë Gjykatës së Shkallës së Parë Elbasan, për veprat penale “Shkatërrimi pronës me mjete të tjera” dhe “Fshehja e të ardhurave”.
