Sekretari i Marrëdhënieve Ndërkombëtare të PD, Enri Ceno, në një postim në Facebook, shprehet se qeveria bën propagandë boshe pasi nuk ka çfarë ofron më veç vjedhjeve dhe grabitjes së pasurisë publike.
Qeveria deklaroi ditën e djeshme se ka konfiskuar 4600 m2 ndërtim pa leje tek projekti “Syri i Tiranës” në qendër të Tiranës.
Ndërkohë, Ceno thekson se pak më tutje Bashkia Tiranë, i ka dhuruar të njëjtës kompani ndërtimi plot 17.000 m2 truall publik ku po ndërtohet projekti “Square 21” me vlerë tregu ndërtimi mbi 120 milion euro.
“Qeveria deklaroi dje se kishte konfiskuar 4600 m2 ndërtim pa leje tek projekti “Syri i Tiranës” në qendër të Tiranës, ndërkohë që vetëm pak më tutje Bashkia Tiranë të njëjtës kompani ndërtimi i ka dhuruar plot 17.000 m2 truall publik ku po ndërtohet projekti “Square 21″ me vlerë tregu ndërtimi mbi 120 milion euro vetëm në hapësirën publike të dhuruar. Propagandë boshe e një qeverie që nuk ka çfarë ofron më veç vjedhjeve dhe grabitjes së pasurisë publike.”- shkruan ai.
