Kryetari i partisë demokratike, Sali Berisha,komentoi gjatë konferencës për shtyp edhe tërheqjen e kryeministrit Edi Rama nga rritja e çmimit të energjisë.
Berisha thotë se me Ramën, vetëm presioni funksionon, ndërsa shton se Rama bëri sikur guxoi por u tërhoq.
Berisha: “Rama u dorëzua. Para jush, i kam dhënë një ultimatum në mënyrë të përsëritur. Po rrite çmimin e energjisë, do presësh atë që meriton.
Por, sidoqoftë vendimi i tij për t’u tërhequr, nën presion, çka do të thotë, që vetëm presioni funksionon me këtë njeri.
Unë u tregoj disa mesazhe të qytetarëve, që më deklarojnë se po rriti çmimet, tani më lind e drejta t’u them këtyre qytetarëve, se guxoi, por nuk guxoi.
U tërhoq, u palos,”.
