Kryetari i Partisë së Lirisë, Ilir Meta i ka bërë thirrje kryeministrit Edi Rama dhe mazhorancës qeverisëse që të tërhiqen përfundimisht nga amnistia fiskale.
Gjatë një konference për mediat, Meta theksoi se ky projektligj është urdhëruar nga bota e krimit dhe favorizon njerëz të inkriminuar që të “pastrojnë” paratë. Sipas Metës nëse kalon ky projektligj do të përkthehet në falimentime të bizneseve të ndershme dhe do të largojë investitorët e huaj.
“Mos të provokojë më dhe mos të dëmtojë, vonojë dhe minojë më tej procesin e integrimit Europian të Shqipërisë, Pra për t’i tërhequr menjëherë nga ligji për amnistinë. Me urdhër të qartë është bërë për të përfituar nga bota e krimi, që të pushton ekonominë vendase apo tregun financiar për të kriminalizuar ekonominë, shoqërinë dhe institucionet tona. Do të goditej dhe do të dëmtohej biznesi i ndershëm, që do të falimentonte dhe iniciativa e lirë vendase. Do të inkurajoheshin dhe do të largoheshin nga vendi dhe at pak investitorë të huaj seriozë. Do të kriminalizohej shoqëria për llogari të eksponentëve kriminalë.
Do të inkurajohej perceptimi i gabuar dhe i rrezikshëm se çdo veprimtari kriminale, duke amnistuar rritjen e kriminaliteti të rrugës dhe më shumë shqiptarë drejt burgjeve. Do të goditej dhe do të dëmtohej biznesi i ndershëm, që do të falimentonte dhe iniciativa e lirë vendase. Do të inkurajoheshin dhe do të largoheshin nga vendi dhe at pak investitorë të huaj seriozë. Do të kriminalizohej shoqëria për llogari të eksponentëve kriminalë. Do të inkurajohej perceptimi i gabuar dhe i rrezikshëm se çdo veprimtari kriminale, duke amnistuar rritjen e kriminaliteti të rrugës dhe më shumë shqiptarë drejt burgjeve”, tha fillimisht Meta.
“Do dobësohet angazhimi dhe efikasiteti i strukturave shqiptarë për goditjen e pastrimit të parave. Do minohet procesi i nisjes së negociatave dhe anëtarësimi i vendit në BE. Do cënohet imazhi i Shqipërisë si vend anëtar i NATO. Mbështes angazhimet dhe shqetësimet e shprehura nga BE për amnistinë fiskale. Shqetësime në luftën kundër krimit të organizuar nga SHBA dhe Britania e Madhe. Shpërfillja e qeverisë ndaj këtyre shqetësimeve është e rëndë” tha Meta.
Kujtojmë që vendet e BE-së kanë kundërshtuar nismën e Edi Ramës për amnistinë fiskale e cila i jep mundësi botës së krimit për të “pastruar” paratë e pista që mund të kenë ardhur nga aktivitetet e mundshme kriminal.
Problem në lidhje me këtë draft është bërë mundësia e përfshirjes së Shqipërisë në pastrimin e parave, gjë për të cilën ka reaguar edhe Bashkimi Evropian. Më 5 korrik, Bashkimi Evropian është shprehur kundër draftit aktual të ligjit për amnistinë fiskale në Shqipëri, duke nënvizuar se ky draft do të dobësojë kontrollet e Shqipërisë kundër pastrimit të parave. Për miratimin në Kuvend të amnistisë kërkohen 84 vota, të cilat shumica socialiste nuk i ka e vetme këto vota.
