Një 17-vjeçar është arrestuar nga policia e Tepelenës, që i ka sekuestruar një kallash dhe një sasi droge.
Sipas bluve, adoleshenti është konfliktuar me disa persona dhe më pas është larguar nga vendngjarja për tu rikthyer më pas me një kallash me vete.
Ngjarja
Policia njoftoi këtë të Premte, se në sallën operative Tepelenë, ka ardhur një telefonatë se në lagjen “15 Shtatori”, një person qarkullonte me armë zjarri.
“R.H., pas një konflikti të çastit, për motive të dobëta, me tre bashkëmoshatarë, është larguar, ka marrë një armë zjarri dhe më pas është rikthyer në vendin e konfliktit”, thuhet në njoftimin e bluve, që shtojnë se arrestuan 17-vjeçarin në flagrancë.
“Gjatë kontrollit të ushtruar në banesën e shtetasit R.H., u gjet një sasi lënde narkotike e dyshuar cannabis sativa. Në ambientet e Komisariatit të Policisë Tepelenë janë shoqëruar edhe tre shtetasit e tjerë të përfshirë në konflikt. Po punohet për sqarimin e rrethanave të konfliktit dhe zbardhjen e plotë të ngjarjes”, thuhet më tej në njoftim.
