Kryetari i PD-së, Sali Berisha, ka postuar ditën e sotme një foto të shkëputur nga protesta që u mbajt dje para Kryeministrisë, për mbylljen e kopështit ‘Turgut Ozal’.
Përmes një postimi në rrjetin e tij social fb, Berisha ndan me ndjekësit një foto të një vajze të vogël, poshtë të cilës shkruan: “Trishtimi në sytë e kësaj vogëlushje, që i mbylli kopshtin, flet sa vëllime për shpirtin e zi të Edi Ramës!”
Sikurse tashmë është bërë publike, por jo pranuar nga qeveria shqiptare, institucionet arsimore jopublike të Fondacionit Gylistan në Shqipëri, janë mbyllur me kërkesë të presidentit turk Rexhep Taip Erdogan.
