Kreu i PD-së, Sali Berisha lajmëron se ditën e nesërme do të mbahen zgjedhjet për Lidershipin e ri të FRPD në të gjithë Shqipërinë.
Ai bën me dije se qendrat e votimit janë të ndara sipas degëve të Partisë Demokratike dhe se orari i votimit do të jete nga ora 08:00 deri në 18:00.
“Të dashur anëtarë të FRPD, ditën e nesërme, 1 Tetor 2022, mbahen zgjedhjet për Lidershipin e ri të FRPD në të gjithë Shqipërinë. Qendrat e votimit janë të ndara sipas degëve të Partisë Demokratike. Orari i votimit do të jete nga ora 08:00 deri në 18:00. Procesi i zgjedhjeve në FRPD ka një rëndësi të madhe për forcën politike ku të gjithë ne aderojmë. Vota na bashkon të gjithëve dhe e nesërmja do të jetë një ditë bashkimi. Komisioni Qendror i Zgjedhjeve në FRPD falenderon të gjithë kandidatët dhe iu uron suksese në garën e nesërme”, shkruan Berisha në një reagim në rrjetet sociale.
