Ambasadorja amerikane në vendin tonë, Yuri Kim ka mbrojtur në mënyrë të zellshme reformën në drejtësi gjatë një interviste televizive mbrëmjen e sotme.
“Reforma në drejtësi ka filluar të japë rezultate”, theksoi Kim në “Opinion”. Në mënyrë surprizuese, ambasadorja përdori shifra për të mbrojtur institucionin ngjashëm me një zëdhënëse të SPAK.
Yuri Kim tha se ka një përqindje prej 90% të të pandehurve nga SPAK që janë dënuar në gjykatë. Deklaroi se 70 milion euro janë sekuestruar deri më sot 2022, për meritë të Prokurorisë së Posaçme. Foli po ashtu për shumëfishim të hetimeve të përbashkëta me BE-në dhe rritje me SHBA-të.
“Po të jap disa të dhëna. SPAK deri më sot ka një përqindje dënimesh deri në 90%. I janë marrë asetet dhe njerëzit shkojnë në burg. Për 12 vite para viteve 2019, prokurorët kishin kapur 10 milion euro. SPAK ka sekuestruar 70 milion euro deri më sot 2022. Po flas për vendime përfundimtare. Në korrik ishte një rast me 8 milion asete të kapura. Me këtë prirje do arrijmë mbi 70 milion asete të kapura dhe me siguri do jetë afër 100 milionëve. SPAK ka 60 hetues. Po merr dhe 6 hetues financiar për të kapur asetet dhe kjo do godasë kriminelët tek xhepi i tyre, ku ka vlerë. Nga 2021 hetimet me vendet e BE-së janë dyshuar, janë rritur edhe me ne. Tani do kemi agjencinë e ligjzbatimit për drogën që do të ngremë në Shqipëri”, tha Kim.
Më tej, mohoi se SPAK bën drejtësi selektive.
“Kur ka qenë hera e fundit, kur ka qenë hera e fundit Blendi kur dy ministra, dy ministra të fuqishëm, të partisë në pushtet, menjëherë pasi kanë lënë zyrën, kur ka qenë hera e fundit kur dy ministra janë futur në burg? A mendoje se Saimir Tahiri do të futej në burg? E vëmë me bast, nuk e mendoje. Jam e sigurtë se pjesa më e madhe e njerëzve mendonin, ja një person që kurrë nuk do të dalë përpara drejtësisë sepse është i fuqishëm. Ja një person që është i mbrojtur. Apo jo? Asaj kohe pandëshkueshmërie po i vjen fundi. E njëjta gjë tregohet në përcaktimet tona në mbarë botën. Pranadaj ideja që kjo drejtësi është selektive, mendoj se pasqyron padurimin dhe dëshirën për të parë drejtësi…”, tha Kim.
Intervistuesi i kujton se edhe më herët ka pasur raste të burgosjes së ministrave duke i përmendur Spiro Kserën.
“Oh, vërtet? Dakord. Por është shumë e rrallë”, tha Kim.
Ajo u pyet edhe për aferën e inceneratorëve dhe hetimet e SPAK: Ka pasur një rast, për shembull, të cilin e kanë ndjekur të gjitthë, siç është çështja e inceneratorëve. Dhe njerëzit thonë, nuk garantoj për faktet, por çdo ditë, në çdo studio, ata nxjerrin fakte, letra, dokumenta, dhe ne ende nuk kemi diçka konkrete?
Lëreni SPAK të bëjë punën e tij, tha ajo.
